|
|
||
|
Белыя лямпы, Шэрыя сцены, Чорныя вокны... Вечныя штампы Псеўдапраблемы. Мокне Дах пад нясвежым снегам. Сцяг пад задымленым небам. Б'ецца, гiстэрык, з ветрам, Хлопае, Быццам стогне. Стома ў вачох цямнее Кiмсьцi разлiтым алеем... Белыя фары, Шэрае ўзбочча, Чорныя рэйкi. Мокрыя пары Па лужынах крочаць. Нейкi Прывiд блукае па рынках, Па вулiчных лабiрынтах. Злосна скрыгоча прынтэр, Штампуючы "кампраматы". Стомлены пракуратар Белай рукою Шэрыя папкi Чорнай пячаткай Мецiць у цiхiм пакоi... Хто ж водзiць ягонай рукою? - Спяць адкрытыя вочы. Радыёкропка лапоча Пад белай столлю На шэрай сцяне Чорным вуголлем У чорным вакне - Подых стомленай ночы. 1997, снежань, 8, панядзелак, 22:34 |
|