...Белы струмень святла
з пашчы бясконцасці...
Дзіўная назва для музыкі
якая гучыць
у поўнай цемры
абмежаванай захадам і ўсходам
сумнага сонца
і маёю самотай
[...усяго толькі запіс палёту
лебядзіных прывідаў,
якія ўжо кінулі неба]
Я раствараюся ў цемры
ператвараюся ў слых
калі яна дыхае
і раптам лаўлю сябе
на тым, што заблытаўся
ў простай мелодыі
гэтай сумнай балады...
2002, красавік, 21-22, панядзелак, 16:48
|