Штар гожа чяя кхэлэн
Упрал меро кхэр,
Багана, сыр чириклэ,
А чён лэн дыкхэн.

Парнэ роспхурдэнпэ бая,
Тырдэнпэ гиля.
Кхэлэна штар гожа чяя -
Тэрнэ баваля.

Пэрво бавал - хачькирды,
Шуки и калы,
Лакири мэн пхутькирды,
Якх ратвалы.

Дуйто бавал - шылалы,
Учи и парны,
Санинько сыр момолы,
Дыкхэл сыр раны.

Трито бавал - чоханы,
Якха сыр яга,
Дико и наракхуны,
Хачён сыр баган.

Штарто - нанэ чибалы,
Васта сыр пхака,
Лакири глос насвалы,
Лилейно чекат.

Штар гожа чяя кхэлэн
Упрал меро кхэр,
Багана, сыр чириклэ,
А чён лэн дыкхэн.

Парнэ роспхурдэнпэ бая,
Тырдэнпэ гиля.
Кхэлэна штар гожа чяя -
Тэрнэ баваля.