КАБАКОЎ Навум Iльiч* [1892, мяст. Беразiно Мiнскай губ., цяпер райцэнтр Мiнскай вобл. - 10.11.1938, Мiнск, НКВД], журналiст. З сям'i службоўца. Атрымаў сярэднюю адукацыю. У 1918 уступiў у ВКП(б). Падчас арышту нам. рэдактара (?) яўрэйскай газ. 'Октобэр' ('Кастрычнiк'). Арыштаваны 2.12.1937 у Мiнску па адрасе: вул. Энгельса, д. 6, кв. 8. Выключаны з ВКП(б). Асуджаны 'тройкай' НКВД 1.11.1938 за 'шпiёнскую i антысавецкую работу на карысць буржуазнай Польшчы' да ВМП. Расстраляны. Рэабiлiтаваны трыбуналам БВА 12.2.1957. Асабовая справа К. ? 9983-с з фотаздымкам захоўваецца ў архiве КДБ Беларусi.
КАБЗIСТ Цiхан Сымонавiч* [1892, в. Губараўка Кабяляцкага пав. Палтаўскай губ., цяпер Украiна - 10.1.1938, Вiцебск, НКВД], педагог. З сялянскай сям'i. Атрымаў вышэйшую адукацыю. Выкладаў на рабфаку Вiцебскага педагагiчнага iнстытута. Быў жанаты, меў дзiця. Арыштаваны 1.11.1937 у Вiцебску па адрасе: вул. Бязбожная, д. 8. Асуджаны 17.11.1937 'тройкай' НКВД як 'член ПАВ' да ВМП. Расстраляны. Рэабiлiтаваны судовай калегiяй па крымiнальных справах Вярхоўнага суда БССР 13.9.1957. Асабовая справа К. ? 6820-П захоўваецца ў архiве УКДБ Вiцебскай вобл.
КАБУРНЕЕЎ Iван Федасеевiч* [1886, в. Новы Барсук Рэчыцкага пав. Мiнскай губ., цяпер Рэчыцкi р-н Гомельскай вобл. - 7.10.1937, Паўладар, НКВД], службовец. З бел. сям'i. Падчас арышту старшыня Пясчанѓскага саўгасна-рабочага кааператыва Максiма-Горкаўскага р-на. Арыштаваны 24.7.1937. Асуджаны 17.9.1937 'тройкай' НКВД Усходне-Казахстанскай вобл. да ВМП. Расстраляны. Рэабiлiтаваны паводле пастановы прэзiдыума Паўладарскага абл. суда 9.5.1959.
Кр.: Книга скорби. Расстрельные списки. Павлодар, 1999.
КАВАЛЁВА Хая (Ганна) Мануiлаўна* [1909, мяст. Родня Клiмавiцкага пав. Магiлёўскай губ., цяпер Клiмкавiцкi р-н Магiлёўскай вобл. - ?], бiблiятэкар. З купецкай сям'i. Атрымала вышэйшую або незакончаную вышэйшую адукацыю. Уступiла ў ВКП(б). Падчас арышту загадчык аддзела спецсховiшча бiблiятэкi iмя Ленiна. Арыштавана 30.5.1947 у Мiнску па адрасе: вул. Чырвонаармейская, д. 9. Асуджана 27.9.1947 за 'антысавецкую агiтацыю' да 8 гадоў папраўча-працоўных работ. Этапавана ў Карагандзiнскi канцлагер НКВД Казахскай ССР. Далейшы лёс невядомы. Рэабiлiтавана судовай калегiяй Вярхоўнага суда СССР 29.8.1956. Асабовая справа К. ? 7373-с з фотаздымкам захоўваецца ў архiве КДБ Беларусi.
КАВАЛЕВIЧ Фёдар Рыгоравiч* [1908, в. Дзедзiна Дзiсенскага пав. Вiленскай губ., цяпер Мiёрскi р-н Вiцебскай вобл. - 29.11.1937, Томск, НКВД], навучэнец. З бел. сям'i. Атрымаў сярэднюю адукацыю. Падчас арышту студэнт заалагiчна-ветэрынарнага тэхнiкума. Арыштаваны 19.10.1937 у Томску. Асуджаны 13.11.1937 як 'член контррэвалюцыйнай шпiёнска-дыверсiйнай паўстанцкай арганiзацыi' да ВМП. Расстраляны. Рэабiлiтаваны 3.10.1958.
Кр.: Книга памяти томичей.
КАВАЛЕНКА Сцяпан Кiрылавiч* [1887, в. Бараўцы Вiлейскага пав. Вiленскай губ., цяпер Вiлейскi (?) р-н Мiнскай вобл. - 8.12.1937, Ленiнград, НКВД], службовец. Апошняе месца работы - загадчык гаспадаркi арцелi 'Хромалiт'. Арыштаваны 5.9.1937 у Ленiнградзе па адрасе: вул. Баравая, д. 36, кв. 29. Асуджаны камiсiяй НКВД i пракуратуры СССР 2.12.1937 за 'шпiёнскую дзейнасць' да ВМП. Расстраляны.
Кр.: Ленинградский мартиролог.
Кр. геагр.: Назвы населеных пунктаў.
КАВАЛЁЎ Апанас Фёдаравiч [2(15).12.1903, в. Лошнiца Барысаўскага пав. Мiнскай губ., цяпер Барысаўскi р-н Мiнскай вобл. - 20.7.1993, Мiнск], дзяржаўны дзеяч. З бел. сялянскай сям'i. Скончыў Вiцебскi кааператыўны тэхнiкум, Вышэйшыя педагагiчныя курсы ў Ленiнградзе. З 1926 на савецкай i партыйнай рабоце. З 1937 старшыня СНК БССР. Быў жанаты, гадаваў дваiх дзяцей. 25.1.1939 арыштаваны як 'член контрѓрэвалюцыйнай арганiзацыi' у Мiнску па адрасе: вул. Ленiнская, 2-i Дом Саветаў, кв. 8. Высланы ў Омскую вобл. Вызвалены 9.4.1942. Рэабiлiтаваны. Працаваў у сiстэме кааперацыi. З 1947 да 1960 нам. старшынi Белкаапсаюза, дэпутат Вярхоўных саветаў у БССР i СССР. Фонд К. зберегаецца ў НА РБ. Асабовая справа К. ? 19983-с захоўваецца ў архiве КДБ Беларусi.
Кр. геагр.: Назвы населеных пунктаў.
Тв.: Звон мой - праўда. Мн., 1989.
Лiт.: ЭГБ, т. 3.
КАВАЛЁЎ Васiль Захаравiч* [1906, в. Навасёлкi Магiлёўскай губ., цяпер Магiлёўская вобл. - ?], медык. З бел. сям'i. Атрымаў сярэднюю адукацыю. Падчас арышту ветэрынарны ўрач аднаго з саўгасаў Любiнѓскага р-на Омскай вобл. Арыштаваны 29.12.1935. Асуѓджаны Омскiм абл. судом 27.3.1936 за 'антысавецкую агiтацыю' да 5 гадоў пазбаўлення волi. Рэабiлiтаваны пракуратурай Омскай вобл. 27.8.1992.
Кр.: Книга памяти жертв политических репрессий Омской области.
КАВАЛЁЎ Казiмiр Iванавiч* [1927, Барысаў Мiнскай вобл. - ?], навучэнец. З сям'i службоўца. У час 2-й сусветнай вайны заставаўся на акупаванай тэрыторыi, выхоўваўся ў дзiцячым доме. Арыштаваны 24.8.1942 (?). Месца арышту невядома. Асуджаны асобай нарадай пры НКВД 3.3.1943 (?) за 'прыналежнасць да германѓскай разведкi' да 5 гадоў ППК. Этапаваны ў Томскую турму ? 2. Далейшы лёс невядомы. Рэабiлiтаваны ваенным пракурорам Беларусi 23.7.1992. Асабовая справа К. ? 34337-с захоўваецца ў архiве КДБ Беларусi.
КАВАЛЁЎ Юрый Мацвеевiч* [1909, Мiнск - ?], журналiст. Арыштаваны 9.3.1936 у Каўрове Уладзiмiрскай вобл. Асуджаны да 4 гадоў папраўча-працоўных лагераў. Далейшы лёс невядомы.
Кр.: Боль и память: Книга памяти жертв политических репрессий Владимирской области. Владимир, 2001. Т. 1.
КАВАЛЬЧУК Iлья Якаўлевiч* [1914, в. Новаермакоўка Тарскага пав. Омскай губ., цяпер Омская вобл., Расiя - ?], навучэнец. З бел. сям'i. Падчас арышту студэнт Омскага педагагiчнага iнстытута. Арыштаваны 15.6.1937. Асуджаны 20.9.1937 за 'антысавецкую агiтацыю i прапаганду' да 7 гадоў папраўча-працоўных лагераў i 5 гадоў пазбаўлення правоў. Далейшы лёс невядомы. Рэабiлiтаваны прэзiдыумам Вярхоўнага суда РСФСР 20.11.1959.
Кр.: Книга памяти жертв политических репрессий Омской области.
КАВЕРЫН Валяр'ян Цiмафеевiч* [1893, Масква - ?], педагог. З сям'i службоўца. Атрымаў вышэйшую адукацыю. Падчас арышту загадчык кафедры Магiлёўскага педагагiчнага iнстытута. Арыштаваны 24.6.1941. Асуджаны асобай нарадай пры НКВД 28.2.1942 за 'ўдзел у контррэвалюцыйнай арганiзацыi' да 5 гадоў папраўча-працоўных лагераў. Далейшы лёс невядомы. Рэабiлiтаваны прэзiдыумам Магiлёўскага абл. суда 25.5.1957. Асабовая справа К. ? 2669-СН захоўваецца ў архiве УКДБ Магiлёўскай вобл.
КАГАН Iзраiль Яўгенавiч* [1899, Барысаў Мiнскай губ., цяпер Мiнскай вобл. - ?], навуковец. У 1920-22 служыў у Чырвонай армii, удзельнiчаў у баях. Атрымаў вышэйшую адукацыю. Падчас арышту навуковы супрацоўнiк Мiнскага медыцынскага iстытута. Быў жанаты, гадаваў дзiця. Арыштаваны 27.11.1933 у Мiнску па адрасе: вул. Татаpская, д. 35, кв. 1. Асуджаны паводле пастановы калегii АДПУ СССР 22.3.1934 як 'член контррэвалюцыйнай падрыўной арганiзацыi' да 5 гадоў папраўча-працоўных лагераў. Далейшы лёс невядомы. Рэабiлiтаваны ваеннай калегiяй Вярхоўнага суда БССР 27.7.1956. Асабовая справа К. ? 6743-с з фотаздымкам захоўваецца ў архiве КДБ Беларусi.
КАГАН Эля Шоламавiч [10.2.1909, Мiнск - 22.6.1944, Гродзенская вобл.], паэт, празаiк, перакладчык. Пiсаў на iдыш. З сям'i настаўнiка. З 1936 супрацоўнiк час. 'Штэрн'. Арыштаваны 30.5.1941 у Мiнску па адрасе: Першы Камунiстычны зав., д. 5, кв. 11. Абѓвiнавачваўся ў 'антысавецкай нацыяналiстычнай дзейнасцi'. У пачатку вайны этапаваны з мiнскай турмы НКВД на Усход. Паводле некаторых звестак вызвалены, удзельнiчаў у 2-й сусветнай вайне, быў карэспандэнтам газ. 'Красный артиллерист'. Загiнуў у баi. Пахаваны на армейскiх могiлках каля Зэльвы Гродзенѓскай вобл. Рэабiлiтаваны. Асабовая справа К. ? 4985-с захоўѓваецца ў архiве КДБ Беларусi.
Тв.: Апавяданнi i мiнiяцюры. Мн., 1932; Вершы. Мн., 1932; Горад без цэркваў. Мн., 1935; Дзiцячыя апавяданнi. Мн., 1936; Розныя апавяданнi. Мн., 1940.
Лiт.: БП, т. 3.
КАЗАК Генадзь [1924, в. Брацянка Навагрудскага ваяв., цяпер Навагрудскi р-н Гродзенскай вобл. - канец 1940-х г., лагер Долiнка Карагандзiнскай вобл.], адзiн з арганiзатараў i кiраўнiкоў пасляваеннага ўзброенага антысавецкага падполля. Меў сярэднюю адукацыю. У 1944 вывезены на прымусовыя работы ў Германiю. Працаваў на заводзе па рамонту самалётаў у Эгеры, затым паступiў у падафiцэрскую школу Беларускага легiёна ў Берлiне, якой кiраваў Б. Рагуля. Там К. уступiў у БНП i ўзначалiў школьную арганiзацыю партыi. Вярнуўся ў Беларусь пасля вайны як рэпатрыянт, пасялiўся ў Навагрудку. У лiст. 1946 арганiзаваў Саюз вызвалення Беларусi (СВБ). У снеж. 1946 - студз. 1947 распрацаваў праграму i статут СВБ, якiя ставiлi мэты нацыянальнай рэвалюцыi i стварэння незалежнай дзяржавы. Арыштаваны 30.5.1947. На допытах у Баранавiцкай турме моцна катаваны. Асуджаны трыбуналам войск МДБ у жн. 1947 на працэсе ў Баранавiчах. Загiнуў амаль адразу як трапiў у Карагандзiнскi канцлагер МДБ Казахскай ССР (в. Долiнка). Не рэабiлiтаваны.
Лiт.: Антысавецкiя рухi; Валаханович И. А. Антисоветское подполье на территории Беларуси в 1944-1953 гг. Мн., 2002.
КАЗАКЕВIЧ Зоя Лук'янаўна* [1922, Бабруйск, цяпер Магiлёўская вобл. - ?], служачая. З бел. сям'i. Працавала загадчыцай бiблiятэкi Бабруйскай тэхнiчнай школы. У час 2-й сусветнай вайны заставалася на акупаванай тэрыторыi. Арыштавана 5.11.1944. Асуджана 29.1.1945 як 'член контррэвалюцыйнай арганiзацыi 'Саюз барацьбы супраць бальшавiзма' да 10 гадоў папраўча-працоўных лагераў. Далейшы лёс невядомы. Рэабiлiтавана паводле пастановы Вярхоўнага суда БССР 18.8.1964. Асабовая справа К. ? 8903 захоўваецца ў архiве УКДБ Магiлёўскай вобл.
КАЗАКОЎ Фядот Мiкалаевiч* [1901, Рагачоўскi пав. Магiлёўскай губ., цяпер Жлобiнскi р-н Гомельскай вобл. - ?], педагог. З сялянскай сям'i. Атрымаў вышэйшую адукацыю. Падчас арышту дырэктар Магiлёўскага педагагiчнага iнстытута. Арыштаваны 4.7.1938. Абвiнавачваўся ў 'правядзеннi антысавецкай прапаганды'. 28.5.1939 вызвалены i рэабiлiтаваны пастановай НКВД Магiлёўскай вобл. Далейшы лёс невядомы. Асабовая справа К. ? 3541 захоўваецца ў архiве УКДБ Магiлёўскай вобл.
КАЗАЧОНАК Мiкалай Максiмавiч* [лiп. 1904, в. Гаранка Барысаўскага пав. Мiнскай губ., цяпер Бярэзiнскi р-н Мiнскай вобл. - 3.1.1942, ГУЛАГ], навуковец. З сялянскай сям'i. Атрымаў вышэйшую адукацыю. У 1930-я г. нам. дырэктара Батанiчнага сада БелАН. Быў жанаты, гадаваў дзiця. Арыштаваны 7.12.1937 у Мiнску па адрасе: Барысаўскi тракт, д. 90, кв. 5. Асуджаны пазасудовым органам НКВД 7.3.1938 за 'антысавецкую агiтацыю' да 8 гадоў пазбаўлення волi. Этапаваны ў Самарскi канцлагер НКВД Куйбышаўскай вобл., затым Ухта-Iжэмскi (?) канцлагер Комi АССР. Загiнуў у зняволеннi. Рэабiлiтаваны прэзiдыумам Вярхоўнага суда БССР 14.5.1958. Асабовая справа К. ? 5954-с захоўваецца ў архiве КДБ Беларусi.
КАЗАЧОНАК Павел Мiхайлавiч* [1899, в. Горанка (?) Iгуменскага пав. Мiнскай губ., цяпер Чэрвеньскi р-н Мiнскай вобл. - ?], службовец. З бел. сям'i. Падчас арышту старшыня Сталiнскага раённага савета. Арыштаваны 18.11.1937 у Нiжнiм Тагiле Свярдлоўскай вобл. Асуджаны 18.4.1938 да 10 гадоў папраўча-працоўных лагераў i 5 гадоў пазбаўлення правоў. Далейшы лёс невядомы.
Кр.: Книга памяти жертв политических репрессий. Свердловская область.
КАЗЛОЎ Уладзiмiр Георгiевiч* [н. 1934, Вiцебск], навучэнец. З сялянскай сям'i. Падчас арышту студэнт Мiнскага медыцынскага iнстытута, член ВЛКСМ. Арыштаваны 19.10.1954 ў Мiнску па адрасе: вул. Чырвоная, д. 19, кв. 21. Паводле дадзеных следства, з 1951 у размовах са знаёмымi абмяркоўваў праблемы пабудовы сацыялiзма ў СССР пасля смерцi У. Ленiна. Разам з Данiэлем Марошакам напiсаў 'Манiфест рускiх марксiстаў-ленiнцаў', дзе КПСС называлася 'халопска-дыктатарскай партыяй', а дзяржаўны лад у СССР 'дзяржаўным капiталiзмам'. У 'Манiфесце' гаварылася: 'Мы з такой свядомасцю яшчэ прэтэндуем на сацыялiзм! Не! Спачатку трэба дасягнуць вяршыняў буржуазнай культуры, а тады марксiсцкую тэорыю народ вельмi хутка i па-сапраўднаму ўспрыме... Справа ўся была ў тым, што ва ўмовах усеагульнай нацыяналiзацыi сродкаў вытворчасцi i невысокай свядомасцi мас... быў непазбежны дзяржаўны капiталiзм, дыктатура аднаго чалавека'. Асуджаны 4.1.1955 за 'антысавецкую агiтацыю' i за 'контррэвалюцыйную дзейнасць' да 5 гадоў канцлагераў i 3 гадоў пазбаўлення правоў. 15.9.1956 тэрмiн зняволення быў скарочаны да двух гадоў. Далейшы лёс невядомы. Рэабiлiтаваны прэзiдыумам Вярхоўнага суда Беларусi 19.8.1997. Асабовая справа К. ? 37027 з фотаздымкам захоўваецца ў архiве КДБ Беларусi.
Кр.: ДА РФ. Ф. 8131, воп. 31, спр. 71161; НАРБ, IКР.
Лiт.: 5810, с. 237.
КАЗЛОЎ Фёдар Iванавiч* [1906, в. Кайшоўка Навагрудскага пав. Мiнскай губ., цяпер Карэлiцкi р-н Гродзенскай вобл. - 25.10.1938, Томск, НКВД], службовец. З бел. сям'i. Падчас арышту начальнiк цэха музкамбiната Томскай працоўнай калонii ? 1. Арыштаваны 5.6.1938. Асуджаны 19.10.1938 як 'член 'Сiбiрскага брацтва' да ВМП. Расстраляны. Рэабiлiтаваны 30.12.1958.
КАЗЛОЎСКI Барыс Iванавiч* [1913, Мiнск - ?], мастак. З сям'i рабочага. Атрымаў сярэднюю адукацыю. Працаваў у Мiнскiм доме (палацы) культуры авiятараў. Быў жанаты, гадаваў траiх дзяцей. У час 2-й сусветнай вайны апынуўся на акупаванай тэрыторыi. Арыштаваны 17.12.1944 у Мiнску па адрасе: вул. Брылеўская, д. 8, кв. 1. Асуджаны асобай нарадай пры НКВД 4.3.1946 за 'сувязь з немцамi' да года папраўча-працоўных лагераў. Этапаваны ў Паўночна-Уральскi канцлагер МДБ Свярдлоўскай вобл. (Iрбiт, лагпункт ? 1). Вызвалены 5.5.1946. Далейшы лёс невядомы. Рэабiлiтаваны пракуратурай Мiнскай вобл. 11.5.1995. Асабовая справа К. ? 36246-с захоўваецца ў архiве КДБ Беларусi.
КАЗЛОЎСКI (ЮШКЕВIЧ) Мiхаiл Мiхайлавiч* [1902, в. Пераброддзе Дзiсенскага пав. Вiленскай губ., цяпер Мiёрскi р-н Вiцебскай вобл. - 20.12.1937, Ленiнград, НКВД], службовец, вайсковец. З бел. сям'i. У 1925 уступiў у ВКП(б). Працаваў упаўнаважаным Гдоўскага пагранатрада, начальнiкам спецчасткi Ленiнградскага iнстытута iнжынераў прамысловага будаўнiцтва. Арыштаваны 25.8.1937 у Ленiнградзе па адрасе: канал Грыбаедава, д. 89, кв. 3. Выключаны з ВКП(б). Асуджаны 14.12.1937 камiсiяй НКВД i пракуратуры СССР за 'шпiянаж i антысавецкую агiтацыю' да ВМП. Расстраляны.
КАЗЛОЎСКI Рыгор Адамавiч* [1897, мяст. Краслава Вiцебскай губ., цяпер Латвiя - 8.4.1938, Масква, 'Камунарка', НКВД], службовец. З бел. сям'i. Атрымаў сярэднюю адукацыю. Быў членам камунiстычнай партыi Латвii. У 1935 уступiў у ВКП(б). Апошняе месца работы - таваразнаўца аддзела забеспячэння трэста 'Саюзузрыўпрам'. Арыштаваны 17.12.1937 у Маскве па адрасе: Вялiкi Кiсельны зав., д. 8, кв. 4. Асуджаны ваеннай калегiяй Вярхоўнага суда СССР 8.4.1938 за 'шпiянаж' да ВМП. Расстраляны. Рэабiлiтаваны 22.8.1957.
КАЛАДЗIНСКI Юрый Вацлававiч* [1897, Варшава - 17.8.1929, ГУЛАГ], работнiк культуры. З сям'i рабочага. Падчас арышту загадчык Польскага клуба. Арыштаваны 29.1.1928 у Мiнску па адрасе: вул. Энгельса, д. 25. Асуджаны 10.6.1929 паводле пастановы калегii АДПУ СССР за 'антысавецкую дзейнасць' да ВМП. Расстраляны. Рэабiлiтаваны пракуратурай БВА 31.7.1992. Асабовая справа К. ? 34450-с захоўваецца ў архiве КДБ Беларусi.
КАЛАСОЎСКI Уладзiмiр Сцяпанавiч* [1897, в. Лукавiца або Луконiца Гродзенскай губ., цяпер Гродзенская вобл. - 13.8.1938, Масква, НКВД], iнжынер. З бел. сялянскай сям'i. Атрымаў вышэйшую адукацыю. Апошняе месца работы - начальнiк аддзела будаўнiчых дэталяў 'Мосснабкультстроя'. Арыштаваны 20.2.1938 у Маскве па адрасе: вул. Станкевiча, д. 16/4, кв. 57. Асуджаны пастановай камiсii НКВД i пракуратуры СССР ад 29.7.1938 як 'завербаваны японскiм консульствам у Харбiне' i за 'шпiёнскую дзейнасць' да ВМП. Расстраляны на палiгоне НКВД 'Аб'ект Бутава'. Асабовая справа К. П-38788 захоўваецца ў ДА РФ.
КАЛЕНЧЫЦ Рыгор Данiлавiч* [1891, в. Веpаб'евiчы Слуцкага пав. Мiнскай губ., цяпер Капыльскi p-н Мiнскай вобл. - ?], педагог. З сялянскай сям'i. Атрымаў сярэднюю адукацыю. Уступiў у ВКП(б). Падчас арышту дырэктар Слуцкага педагагiчнага тэхнiкума (вучылiшча). Арыштаваны 10.10.1933 у Слуцку па адрасе: вул. К. Лiбкнехта, д. 67. Асуджаны 26.12.1933 як 'член Слуцкага фiлiяла нацыянал-паўстанцкай дывеpсiйна-шпiёнскай арганiзацыi БНЦ' да 5 гадоў папраўча-працоўных работ. Этапаваны ў Далёкаўсходнi канцлагер НКВД Хабараўскага краю. 21.10.1934 тэрмiн зняволення К. быў зменшаны да 3 гадоў i яго павiнны былi выслаць на Поўнач, але 28.11.1934 ён быў вызвалены. Далейшы лёс невядомы. Рэабiлiтаваны трыбуналам БВА 9.11.1960. Асабовая справа К. ? 12875-с захоўваецца ў архiве КДБ Беларусi.
Кр. геагр.: Назвы населеных пунктаў.
КАЛIНIН-КАЛЕНIК Леў Андрэевiч* [1909, ? - 29.12.1937, Смаленск, НКВД], вайсковец, верагодна, брат альбо сваяк Сяргея Калiнiна-Каленiка. З бел. сям'i. Падчас арышту камандзiр роты 191-га стралковага палка. Арыштаваны 5.11.1937. Асуджаны камiсiяй НКВД i пракуратуры СССР 25.12.1937 за 'шпiянаж' да ВМП. Расстраляны.
Кр.: Смоленский мартиролог.
КАЛIНIН-КАЛЕНIК Сяргей Андрэевiч* [23.2.1894, Гродна - 29.12.1937, Мiнск, НКВД], педагог, верагодна, брат альбо сваяк Льва Калiнiна (Каленiка). З сям'i бел. рабочага. Працаваў ваенруком у Мiнскай СШ ? 1. Быў жанаты, меў дваiх дзяцей. Арыштаваны 16.11.1937 у Мiнску па адрасе: вул. Энгельса, д. 29/36, кв. 1. Асуджаны 25.12.1937 асобай нарадай пры НКВД як 'рэзiдэнт польскай разведкi' да ВМП. Расстраляны. Рэабiлiтаваны трыбуналам Маскоўскай ВА 21.11.1957. Асабовая справа К. ? 11021-с з фотаздымкам захоўваецца ў архiве КДБ Беларусi.
КАЛIНIЧЭНКА Марта Iванаўна [27.4.1894, Цiраспаль, цяпер Малдова - ?], педагог. З сялянскай сям'i. Атрымала вышэйшую адукацыю. Уступiла ў ВКП(б). У 1930-я г. выкладала у МБПТ. Арыштавана 3.10.1938 у Мiнску па адрасе: вул. Савецкая, д. 83, кв. 3. Асуджана асобай нарадай пры НКВД 5.8.1939 за 'ўдзел у контррэвалюцыйнай нацыянал-фашысцкай арганiзацыi' i 'шкоднiцкую дзейнасць у сiстэме народнай адукацыi' да 5 гадоў папраўча-працоўных лагераў. Далейшы лёс невядомы. Рэабiлiтавана судовай калегiяй па крымiнальных справах Вярхоўнага суда БССР 2.8.1956. Справа К. ? 6745-с захоўваецца ў архiве КДБ Беларусi.
КАЛIНКАВЕЦ Васiль Васiлевiч* [1919, в. Грышын, цяпер Данецкая (?) вобл., Украiна - ?], акцёр. З сялянскай сям'i. Працаваў у Пiнскiм гарадскiм тэатры. Быў жанаты, гадаваў дваiх дзяцей. У час 2-й сусветнай вайны заставаўся на акупаванай тэрыторыi. Арыштаваны 13.12.1944. Асуджаны 5.4.1947 як 'памагаты нямецкiх акупантаў' да 4 гадоў папраўча-працоўных лагераў. Далейшы лёс невядомы. Рэабiлiтаваны пракуратурай Брэсцкай вобл. 30.11.1992. Асабовая справа К. ? 11284-С захоўваецца ў архiве УКДБ Брэсцкай вобл.
КАЛIНОЎСКАЯ Таццяна Антонаўна* [1904, Саратаў, Расiя - ?], спявачка. З сям'i службоўца. Мела незакончаную вышэйшую адукацыю. Выйшла замуж, гадавала дваiх дзяцей. У час 2-й сусветнай вайны заставалася на акупаванай тэрыторыi, працавала ў тэатры оперы i балета. Арыштавана 16.12.1944 у Мiнску па адрасе: пас. Фрунзе, д. 6, кв. 1. Асуджана 3.10.1945 як 'сацыяльна-небяспечны элемент' i за 'работу ў оперным тэатры ў Мiнску падчас нямецка-фашысцкай акупацыi' да 5 гадоў папраўча-працоўных лагераў. Далейшы лёс невядомы. Рэабiлiтавана ваеннай калегiяй Вярхоўнага суда БССР 24.5.1957. Асабовая справа К. ? 10324-с захоўваецца ў архiве КДБ Беларусi.
КАЛIНОЎСКI Аляксандр Мацвеевiч* [1902, в. Цялуша Бабруйскага пав. Мiнскай губ., цяпер Бабруйскi р-н Магiлёўскай вобл. - ?], педагог, брат Васiля Калiноўскага. З сям'i службоўца. Атрымаў вышэйшую адукацыю. У 1930-я г. выкладчык МВПI. Быў жанаты, гадаваў дваiх дзяцей. Арыштаваны 20.7.1938 у Мiнску па адрасе: вул. Свярдлова, д. 73, кв. 65. Асуджаны 'тройкай' НКВД 1.11.1938 як 'польскi шпiён' i 'член нацыянал-фашысцкай арганiзацыi' да 5 гадоў папраўча-працоўных работ. Этапаваны ва Унжэнскi канцлагер НКВД Горкаўскай чыгункi (ст. Сухабязводная). 16.2.1941 пераведзены з лагера ў псiхiятрычную бальнiцу НКВД Молатаўскай (цяпер Пермскай) вобл. Далейшы лёс невядомы. Рэабiлiтаваны трыбуналам БВА 8.1.1957. Асабовая справа К. ? 9911-с захоўваецца ў архiве КДБ Беларусi.
КАЛIНОЎСКI (АРЛОЎ) Васiль Мацвеевiч* [1907, в. Цялуша Бабруйскага пав. Мiнскай губ., цяпер Бабруйскi р-н Магiлёўскай вобл. - ?], брат Аляксандра Калiноўскага. У 1930-я г. вязень Ухта-Пячорскага канцлагера НКВД Комi АССР. Узяты пад варту 13.11.1937 у пас. Мадмас. 21.12.1937 асуджаны 'тройкай' НКВД Архангельскай вобл. за 'антысавецкую агiтацыю i прапаганду' да ВМП. Расстраляны. Дата i месца смерцi невядомы.
КАЛIНОЎСКI Дзмiтрый Афанасьевiч* [1896, в. Вялiкiя Стройкi Рагачоўскага (?) пав. Магiлёўскай губ., цяпер Рагачоўскi (?) р-н Гомельскай вобл. - 29.12.1937, Вiцебск, НКВД], педагог. З мяшчанскай сям'i. Атрымаў вышэйшую адукацыю. Выкладаў у Вiцебскiм педагагiчѓным тэхнiкуме. Быў жанаты, гадаваў дзiця. Арыштаваны 1.11.1937 у Вiцебску па адрасе: вул. Канатная, д. 47. Асуджаны 19.11.1937 паводле пастановы калегii НКВД СССР як 'член ПАВ' да ВМП. Расстраляны. Рэабiлiтаваны трыбуналам БВА 19.5.1958. Асабовая справа К. ? 4105-п захоўваецца ў архiве УКДБ Вiцебскай вобл.
КАЛIНОЎСКI Якаў Мiхайлавiч* [1906, в. Дубава (?) Навагрудскага пав. Мiнскай губ., цяпер Навагрудскi р-н Гродзенскай вобл. - ?], вайсковец. З бел. сям'i. Падчас арышту курсант Томскай артылерыйскай школы. 19.1.1931 арыштаваны за 'контррэвалюцыйную агiтацыю'. Выключаны з кандыдатаў у члены ВКП(б). 12.6.1931 вызвалены з улiкам тэрмiну папярэдняга зняволення. Далейшы лёс невядомы.
КАЛIНОЎСКI Яўген Андрэевiч [1890, хут. Мажохiнi (?) Кобрынскага пав. Гродзенскай губ., цяпер Кобрынскi р-н Брэсцкай вобл. - ?], архiтэктар. Падчас арышту галоўны архiтэктар Свярдлоўскага аддзялення Гiпрацяжмаша. Арыштаваны 29.5.1943. Асуджаны ваеннай калегiяй Вярхоўнага суда СССР 5.1.1944 да 10 гадоў папраўча-працоўных канцлагераў. Далейшы лёс невядомы.
Кр.: Книга памяти жертв политических репрессий. Свердловская область.
КАЛОДКА Аляксандр [14.12.1911, в. Церабостынь Навагрудскага пав. Мiнскай губ., цяпер Карэлiцкi р-н Гродзенскай вобл. - 15.11.1985, Мельбурн, Аўстралiя], бел. грамадскi дзеяч, юрыст. Скончыў юрыдычны ф-т Вiленскага у-та. Падчас нямецкай акупацыi працаваў у грамадзянскай адмiнiстрацыi на Малаѓдзечаншчыне, у Ашмянах, Вiлейцы. Прымаў удзел у бел. нацыянальным антынацысцкiм падполлi. У сак. 1943 арыштаваны нямецкай палiцыяй. Знаходзiўся ў зняволеннi ў вiлейскай i мiнскай турмах, паѓзней вывезены ў канцѓлагер у Германiю. У пасляваенны час выехаў у Аўстралiю, жыў у Мельбурне. У газеце 'Беларус' (Нью-Ёрк, ЗША) i часопiсе 'Беларуская думка' (Саўт-Рывер, ЗША) друкаваў успамiны пра часы нямецкай акупацыi.
Лiт.: Катковiч А., Катковiч-Клентак В. Успамiны. Беласток, 1999.
КАЛЬВАН (?) Пелагея Данатаўна* [1907, Вiцебск - ?], гiсторык. З сям'i службоўца. Атрымала вышэйшую адукацыю. У 1930-я г. загадчык адѓдзела Вiцебскага гiстарычнага музея. Была замужам, гадавала дзiця. Арыштавана 13.2.1936 у Вiцебску па адрасе: вул. 4-я Свярдлова, д. 18. Асуджана асобай нарадай пры НКВД 15.5.1936 за 'антысавецкую агiтацыю' да 3 гадоў папраўча-працоўных работ. Этапавана ў адзiн з Магаданскiх канцлагераў. Вызвалена 16.2.1939. Далейшы лёс невядомы. Рэабiлiтавана судовай калегiяй па крымiнальных справах Вярхоўнага суда БССР 12.10.1956. Асабовая справа К. з фотаздымкам захоўваецца ў архiве УКДБ Вiцебскай вобл.
КАЛЬНIЦКI Мiхаiл Iванавiч [н. памiж 1922-24, в. Доўгая Дуброва Жыткавiцкага р-на Мазырскай акругi, цяпер Гомельская вобл. - 12.9.1952, в. Кляцiшча Iвянецкага р-на Маладзечанскай вобл., цяпер Стаўбцоўскi р-н Мiнскай вобл.], удзельнiк антысавецкага падполля. Падчас 2-й сусветнай вайны служыў у палiцыi на тэрыторыi Палескай вобл. У кастр. 1943 выехаў у Германiю. Пасля вайны перабраўся ў Бельгiю, працаваў на шахтах у Льежы. З'яўляўся старшынёй Льежѓскага аддзела 'Хаўрусу беларусаў у Бельгii'. Пры пасрэднiцтве А. Марговiча ў канцы 1951 завербаваны амерыканскай разведкай, у студз. 1952 прыняты ў Каўфбэйрэнскую разведшколу (псеўданiм Джо). Меркаваў дэсантавацца ў Беларусi 1.5.1952, але з-за адмовы 2-х удзельнiкаў групы ляцець у СССР аперацыя была перанесена. Як старшы радыст ноччу на 27.8.1952 закiнуты ў Налiбоцкую пушчу (в. Кляцiшча Iвянецкага р-на Маладзечанскай вобл., цяпер Стаўбцоўскi р-н Мiнскай вобл.). 31.8.1952 з М. Арцюшэўскiм (Фiнам) устанавiў радыёсувязь з цэнтрам i перадаў дзве зашыфраваныя радыёграмы з iнфармацыяй аб паспяховым дэсантаваннi i каардынатамi прызямлення. Пасля падзелу групы заставаўся ў лесе разам з Фiнам. 10.9.1952 на месцы сустрэчы групы трапiў у засаду. Быў забiты.
Лiт.: Антысавецкiя рухi; Валаханович И. А. Антисоветское подполье на территории Беларуси в 1944-1953 гг. Мн., 2002.
КАЛЯДА Канстанцiн Цiмафеевiч* [1896, в. Панямонь (?) Мiнскай губ., цяпер Мiнская вобл. - ?], службовец. Падчас арышту начальнiк гаспадаркi Паўднёва-Усходняй чыгункi. Арыштаваны 21.9.1937 у Варонежы або ў Варонежскай вобл., Расiя. Асуджаны 22.11.1937 да 10 гадоў папраўча-працоўных лагераў. Далейшы лёс невядомы.
КАЛЯДА Пётр Iльiч* [1905, в. Багданаў Ашмянскага пав. Вiленскай губ., цяпер Валожынскi р-н Мiнскай вобл. - 16.12.1937, Ленiнград, НКВД], службовец. З бел. сям'i. У 1929 уступiў у ВКП(б). Падчас арышту супрацоўнiк Навукова-даследчага лесахiмiчнага iнстытута. Арыштаваны 14.9.1937 у Ленiнградзе па адрасе: Мiжнародны праспект, д. 90, кв. 119. У сувязi з арыштам выключаны з партыi. Асуджаны камiсiяй НКВД i пракуратуры СССР 10.12.1937 за 'шпiянаж' да ВМП. Расстраляны.
Кр.: Ленинградский мартиролог.
Кр. геагр.: Назвы населеных пунктаў.
КАЛЯДА Пётр Канстанцiнавiч* [1904, Вiльня, цяпер Вiльнюс, Лiтва - 8.12.1937, Масква, НКВД], службовец. З сям'i бел. рабочага. Падчас арышту начальнiк участка супрацьпаветранай абароны Кастрычнiцкага р-на Масквы, член ВКП(б). Арыштаваны 25.8.1937 у Маскве па адрасе: Новая Шаша, д. 8, кв. 3. Асуджаны камiсiяй НКВД i пракуратуры СССР 1.12.1937 за 'шпiянаж на карысць Польшчы' да ВМП. Расстраляны на палiгоне НКВД 'Аб'ект Бутава'. Рэабiлiтаваны ваеннай калегiяй Вярхоўнага суда СССР 22.4.1957. Асабовая справа К. ? П-38373 захоўваецца ў ДА РФ.
Кр.: Бутовский Полигон.
КАЛЯДА Сцяпан Акiмавiч* [1903, Гродзенская губ., цяпер Гродзенская (?) вобл. - ?], службовец. З бел. сям'i. Уступiў у ВКП(б). Працаваў аграномам. Арыштаваны 3.11.1937. Асуджаны асобай нарадай пры НКВД СССР 10.1.1938 за 'шпiянаж' да 10 гадоў папраўча-працоўных лагераў. Далейшы лёс невядомы. Рэабiлiтаваны пракуратурай Прыволжскай ВА 14.9.1989.
Кр.: Белая книга.
КАЛЯДКА Рыгор Акiмавiч* [1900, в. Купнiкi Слуцкага пав. Мiнскай губ., цяпер Любанскi р-н Мiнскай вобл. - 15.9.1937, Ленiнград, НКВД], службовец. З бел. сям'i. Падчас арышту аграном абл. планавай камiсii. Арыштаваны 2.8.1937 у Ленiнградзе. Асуджаны 31.8.1937 камiсiяй НКВД i пракуратуры СССР за 'антысавецкую дзейнасць' да ВМП. Расстраляны.
Кр.: Ленинградский мартиролог.
КАЛЯНКОЎСКI Пётр Сямёнавiч* [1909, Варшава - 10.3.1938, Масква, НКВД], навучэнец. З бел. сям'i. Меў незакончаную вышэйшую адукацыю. Арыштаваны 5.10.1937 у Маскве па адрасе: вул. 2-я Вознiцкая, д. 29, корп. 5, пакой 124. Асуджаны камiсiяй НКВД i пракуратуры СССР 15.2.1938 за 'ўдзел у контррэвалюцыйнай фашысцкай групе' i за 'антысавецкую агiтацыю сярод студэнтаў' да ВМП. Расстраляны на палiгоне НКВД 'Аб'ект Бутава'. Рэабiлiтаваны ваеннай калегiяй Вярхоўнага суда СССР 14.9.1989.
Кр.: Бутовский Полигон.
КАМАРЖЫНСКI Язэп Францавiч [1899, Дзвiнск, цяпер Даўгаўпiлс, Латвiя - 1965, Даўгаўпiлс], артыст, рэжысёр, культурна-грамадскi дзеяч бел. дыяспары ў Латвii мiжваеннага перыяду. Удзельнiчаў у тэатральных пастаноўках трупы Дзвiнскага чыгуначнага тэатра пад кiраўнiцтвам М. Канстанцiнава. Падчас 1-й сусветнай вайны ў эвакуацыi на Смаленшчыне. Працаваў у рабочай драматычнай дружыне Рослаўля. У 1919-1920 акцёр драмы, сябра Смаленскага аддзялення Усерасiйскага прафесiйнага саюза работнiкаў мастацтва. Летам 1920 вярнуўся ў Дзвiнск, скончыў бел. настаўнiцкiя курсы. У 1922 як рэжысёр узначалiў створаную з iнiцыятывы К. Езавiтава i Э. Будзькi бел. тэатральную трупу Дзвiнска. Бел. спектаклi ставiлiся iм у латгальскiм клубе 'Саўле' i святлiцы чыгуначнiкаў. Калектыў выязджаў з пастаноўкамi ў Прыдруйшчыну, Iзабелiнаўшчыну, iнш. рэгiёны пражывання бел. этнасу. Увосень 1929 Беларускi аддзел пры Мiнiстэрстве асветы Латвii запрасiў К. ў Рыгу, дзе ён працаваў настаўнiкам у бел. школе на Маскоўскiм форштаце, а затым быў прызначаны дырэктарам Беларускага народнага тэатра. Выступаў як акцёр i рэжысёр. Ставiў п'есы У. Галубка, Я. Купалы, Р. Блаўмана. 3 утварэннем Таварыства беларускага тэатра ў Латвii К. быў дзейсны яго сябра. У 1936 бел. грамадскасць Латвii шырока адзначыла 20-годдзе яго творчай дзейнасцi. Удзельнiчаў у культурна-грамадскай рабоце латышскiх беларусаў i падчас 2-й сусветнай вайны. У 1945 у лiку iнш. культурна-асветных бел. працаўнiкоў С.Сахарава. С.Сiцько, П.Масальскага (П.Сакола) арыштаваны i выѓсланы ў Сiбiр. Пасля рэабiлiтацыi ў 1955 вярнуўся ў Дзвiнск (Даўгаўпiлс), удзельнiчаў у пастаноўках спектакляў у Даўгаўпiлскiм гарадскiм Доме культуры. Загiнуў, збiты машынай па дарозе на рэпетыцыю.
КАМЕНСКI Людвiк [2-я палова 18 ст. - 1-я палова 19 ст.], палiт. дзеяч. З шляхецкага роду герба 'Роля'. Быў эйшышскiм шамбелянам i харунжым. У канцы мая 1794 узначалiў паўстанцкi Вайсковы камiсарыят у Вiльнi. 3.6.1794 дэлегаваны жыхарамi Вiльнi да Т. Касцюшкi ў справах утварэння Цэнтральнай дэпутацыi ВКЛ i арганiзацыi рэгулярнай абароны Вiльнi. У жн.-вер. 1794 уваходзiў у Дэпутацыю па рэвiзii вайсковых лазарэтаў. Магчыма, пяру К. належаць вершы патрыятычнага характару. Арыштаваны пасля задушэння паўстання. Амнiсцiраваны.
Лiт.: PSB. IХ/4. z. 51.
КАМЕНСКI Фульгент [2-а палова 18 ст. - 1-я палова 19 ст.], палiт. i дзяржаўны дзеяч, паэт. З шляхецкага роду герба 'Роля'. Ротмiстр i гараднiчы Лiдскага пав., эйшышскi падкаморы, шамбелян. Яму належыла палова вёскi Чэпалюня ў Лiдскiм пав. У 1773 у Вiльнi апублiкаваў асобным выданнем верш дыдактычнага зместу 'Грэчаскiя войны з Атаманскай Портай, услаўленыя дзейнасцю Юрыя Кастрыёта Князя Албанскага, празванага Скандэрбекам'. У часе паўстання 1794 дэлегаваны ў Нацыянальную Раду ВКЛ у Вiльнi. Узяты ў палон расiйскiмi войскамi. У чэрв. 1795 сасланы ва ўсходнiя губернi Расii, на ягоную маёмасць быў накладзены секвестр. Амнiсцiраваны з вяртаннем маёнтка ў 1797. Далейшы лёс невядомы.
Тв.: Wojny greckie z Portą Ottomańską, dzielnością Jerzego Kastryota Xiążęcia Albańskiego przezwanego Skanderbek wsławione. Wilno, 1773.
Лiт.: Kamiński J. A. Materyjały do monografii i historii rodzin Kamieńskich i Kamińskich. T. 1. Lwów, 1854-1856; PSB. IХ/4. z. 51.
КАМIНСКАЯ Ганна Мiкалаеўна* [1925, в. Млынка Слуцкага пав. Мiнскай губ., цяпер Слуцкi р-н Мiнскай вобл. - ?], дзяржаўны служачы. З сялянскай сям'i. Мела незакончаную сярэднюю спецыяльную адукацыю. У час 2-й сусветнай вайны апынулася на акупаванай тэрыторыi, працавала ва ўпраўленнi архiтэктуры (?). Арыштавана 18.9.1944 у в. Млынка. Асуджана асобай нарадай пры НКВД 3.10.1945 за 'сувязь з нямецкай контррэвалюцыйнай разведкай' да 4 гадоў папраўча-працоўных работ. Этапавана ў Каргапольскi канцлагер НКВД Архангельскай вобл. Вызвалена 9.8.1948. Далейшы лёс невядомы. Рэабiлiтавана Вярхоўным судом БССР 24.5.1974. Асабовая справа К. ? 20381-с з фотаздымкам захоўваецца ў архiве КДБ Беларусi.
Кр. геагр.: Назвы населеных пунктаў.
КАМIНСКI Вiктар Iосiфавiч* [1908, в. Няклюдава Аршанскага пав. Магiлёўскай губ., цяпер Талачынскi р-н Вiцебскай вобл. - ?], мастак. З сялянскай сям'i. Меў незакончаную сярэднюю спецыяльную адукацыю. Працаваў у клубе iмя Кiрава на ст. Орша. Арыштаваны 21.8.1937 па адрасе: ст. Орша-Заходняя, дом чыгункi 3, кв. 3. Асуджаны асобай нарадай пры НКВД 27.10.1937 за 'контррэвалюцыйную дзейнасць' да 10 гадоў папраўча-працоўных лагераў. Этапаваны ва Усць-Вымскi канцлагер НКВД Комi АССР. Вызвалены 21.2.1947. Далейшы лёс невядомы. Рэабiлiтаваны трыбуналам БВА 13.2.1956. Асабовая справа К. ? 11262-п захоўваецца ў архiве УКДБ Вiцебскай вобл.
КАМIНСКI Людвiк* [2-а палова 18 ст. - 1-я палова 19 ст.], палiт. i дзяржаўны дзеяч. Старшыня першага дэпартамента Мiнскага галоўнага суда. У 1812 сустракаў французскiя войскi за 2 мiлi ад горада. Быў прызначаны Напалеонам старшынёй камiсii ВКЛ - часовага ўрада. Арыштаваны пасля выгнання французскiх войск з Расii. Амнiсцiраваны царскiм манiфестам. Захаваў пасаду старшынi ў Мiнскiм галоўным судзе.
Лiт.: Iwaszkiewicz J. Litwa w 1812 r. Kraków-Warszawa, 1912; Нарысы гiсторыi Беларусi. Ч. 1. Мн., 1984.
КАМЫНА Эдуард Iосiфавiч* [1899, Санкт-Пецярбург, Расiя - 18.10.1937, Ленiнград, НКВД], службовец. Апошняе месца работы - юрысконсульт Кiраўскага завода. Арыштаваны 22.9.1937 у Ленiнградзе па адрасе: вул. Трактарная, д. 13, кв. 5. Асуджаны камiсiяй НКВД i пракуратуры СССР 14.10.1937 за 'контррэвалюцыйную дзейнасць' i 'антысавецкую агiтацыю' да ВМП. Расстраляны.
Кр.: Ленинградский мартиролог.
КАНДРАЦЕНЯ Уладзiмiр Iгнатавiч [сак. 1917, в. Смалiчы Слуцкага пав. Мiнскай губ., цяпер Капыльскi р-н Мiнскай вобл. - 23.2.1943, Слуцк], празаiк. Дэбютаваў у друку ў 1932 (апавяданне 'Спаганяюць падаткi' ў газ. 'Палеская праўда'). Пасля сканчэння рабфака ў Бабруйску (1935) паступiў на лiтаратурна-лiнгвiстычны ф-т МВПI, якi скончыў у 1939. Выступаў з нарысамi (на старонках газ. 'ЛiМ', час. 'Полымя рэвалюцыi', 'Работнiца i калгаснiца'), якiя склалi кнiгу 'Любоў' (першую i апошнюю). За яе, паводле рэкамендацыi К. Чорнага, аўтар быў прыняты ў СП БССР. Апавяданнi К. перакладалiся на iдыш. У 1937- 38 блiзка сябраваў са студэнткай МВПI, будучай пiсьменнiцай В. Палтаран. З 1939 служыў у Чырвонай армii. На пачатку вайны трапiў пад Полацкам са сваёй часцю у палон. Здолеў збегчы з нямецкага лагера для ваеннапалонных, прыйшоў да дому ў в. Смалiчы. Паводле даручэння партызанаў уладкаваўся ў Краснаслабадскую СШ (цяпер Капыльскi р-н), затым у Слуцкi сiрочы прытулак. Вёў падпольную работу. Верагодна, у пачатку 1943 ўсю падпольную групу немцы арыштавалi. Паводле звестак Я. Казекi павешаны немцамi ў Слуцку. Пахаваны ў роднай вёсцы.
Кр. геагр.: Назвы населеных пунктаў.
Тв.: Любоў: Апавяданнi. Мн., 1938.
Лiт.: Мурашка Р. Лiтаратурныя парасткi // ЛiМ. 1938. 30 кастр.; БП, т. 3.
КАНДРАЦЬЕЎ Адам Андрэевiч* [1888, в. Альбiн Мiнскай губ., цяпер Мiнскай (?) вобл. - 22.3.1938, Томск, НКВД], службовец. З бел. сялянскай сям'i. Атрымаў сярэднюю спецыяльную адукацыю. Падчас арышту бухгалтар Батурынскага нарыхтовачнага пункта збожжа. Арыштаваны 15.2.1938 у в. Батурына Кажэўнiкаўскага р-на Томскай вобл. Асуджаны 12.3.1938 'тройкай' НКВД як 'член ПАВ' да ВМП. Расстраляны. Рэабiлiтаваны ваеннай калегiяй Вярхоўнага суда СССР 1.12.1960.
Кр.: Книга памяти томичей.
КАНТОРЫЧ Барыс Лазаравiч* [1877, Мiнск - 16.9.1937, ?, НКВД], медык. Атрымаў вышэйшую адукацыю. Працаваў зубным урачом. Арыштаваны 29.6.1937 у в. Парабель Томскай вобл. Асуджаны ваеннай калегiяй Вярхоўнага суда СССР 31.8.1937 як 'член контррэвалюцыйнай ваенна-трацкiсцкай арганiзацыi' да ВМП. Расстраляны. Рэабiлiтаваны 13.8.1959.
Кр.: Книга памяти томичей.
КАПIТАНАКI Мiхаiл Васiлевiч* [1904, Краснадар, цяпер Расiя - ?], навуковец. З сям'i рабочага. Атрымаў вышэйшую адукацыю. Працаваў загадчыкам лабараторыi Вiцебскай ветэрынарнай станцыi. Быў жанаты, гадаваў дзiця. Арыштаваны 17.5.1937 у Вiцебску па адрасе: вул. 11-я Свярдлова, д. 19. Асуджаны пазасудовым органам НКВД 29.10.1937 за 'дзейнасць у складзе контррэвалюцыйнай арганiзацыi' да 10 гадоў папраўча-працоўных работ з канфiскацыяй маёмасцi. Этапаваны ва Унжэнскi канцлагер НКВД Горкаўскай вобл. (ст. Сухабязводная). Вызвалены 7.9.1945. Далейшы лёс невядомы. Рэабiлiтаваны судовай калегiяй па крымiнальных справах Вярхоўнага суда СССР 20.4.1956. Асабовая справа К. ? з фотаздымкам захоўѓваецца ў архiве УКДБ Вiцебскай вобл.
КАПЛАН Абрам Мееравiч* [лiп. 1884, Мiнск - ?], дзяржаўны дзеяч. З купецкай сям'i. Атрымаў вышэйшую адукацыю. Падчас арышту кiраваў прамысловай секцыяй (аддзелам) прэзiдыума Дзяржплана БССР. Быў жанаты, меў дваiх дзяцей. Арыштаваны 12.12.1930 у Мiнску па адрасе: вул. Кастрычнiцкая, д. 7, кв. 10. Асуджаны паводле пастановы калегii АДПУ СССР 23.7.1931 за 'антысавецкую дзейнасць' да 10 гадоў папраўча-працоўных лагераў. Далейшы лёс невядомы. Рэабiлiтаваны пракуратурай БССР 20.10.1989. Асабовая справа К. ? 30690-с з фотаздымкам захоўваецца ў архiве КДБ Беларусi.
КАРАВАЦКI Яўген Барысавiч* [1899, Мiнск - 21.10.1937, Масква, НКВД], службовец. З сям'i бел. служачага. Атрымаў вышэйшую адукацыю. Падчас арышту начальнiк лётна-выпрабавальнай часткi завода ? 3 камбiната 150. Арыштаваны 27.8.1937 у Маскве па адрасе: Малы Патрыяршы зав., д. 3/5, кв. 9. Асуджаны 19.10.1937 'тройкай' НКВД за 'сiстэматычную актыўную антысавецкую агiтацыю i контррэвалюцыйную прапаганду, накiраваную на падрыў мерапрыемстваў, якiя праводзiць партыя i савецкi ўрад' да ВМП. Расстраляны. Рэабiлiтаваны ваеннай калегiяй Вярхоўнага суда СССР 12.7.1989.
Кр.: Бутовский Полигон.
КАРАЛЁНАК Карл Карлавiч (Восiпавiч)* [1893, в. Бытча Барысаўскага пав. Мiнскай губ., цяпер Барысаўскi р-н Мiнскай вобл. - 4.12.1941, ?], урач. З бел. сялянскай сям'i. Меў незакончаную вышэйшую адукацыю. Арыштаваны 1.11.1941 на ст. Касторная Усходняй чыгункi. Асуджаны да ВМП. Расстраляны. Рэабiлiтаваны ваеннай калегiяй Вярхоўнага суда СССР 12.05.1992.
Кр.: Книга памяти жертв политических репрессий Курской области.
Кр. геагр.: Назвы населеных пунктаў.
КАРАЛЬЧУК Лявонцiй Iванавiч* [1880, в. Каменка Бельскага пав. Гродзенскай губ., цяпер Падляшскае ваяв., Польшча - ?], архiварыус. З сям'i рабочага. Працаваў на ст. Мiнск-таварная. Арыштаваны 17.7.1938 у Мiнску па адрасе: вул. Талстога, д. 14/3. Асуджаны 'тройкай' НКВД 7.10.1938 за 'шпiянаж на карысць польскiх разведорганаў' да 10 гадоў папраўча-працоўных работ. Этапаваны ва Унжэнскi канцлагер НКВД Горкаўскай вобл. (ст. Сухабязводная). Далейшы лёс невядомы. Рэабiлiтаваны трыбуналам БВА 20.10.1958. Асабовая справа К. ? 13219-с захоўваецца ў архiве КДБ Беларусi.
КАРАНЕЎСКI Рыгор Андрэевiч* [1891, в. Новая Тухiня Аршанскага пав. Магiлёўскай губ., цяпер Дубровенскi р-н Вiцебскай вобл. - 8.12.1937, Ленiнград, НКВД], службовец. З бел. сям'i. Падчас арышту старшыня лiквiдацыйнай камiсii жыллёва-камунальнай канторы (паводле iншых звестак - юрыст Кольбуда). Арыштаваны 5.10.1937 у Мурманску або Манчагорску па адрасе: вул. Набярэжная, д. 4. Асуджаны камiсiяй НКВД i пракуратуры СССР 2.12.1937 як 'удзельнiк антысавецкай тэрарыстычнай арганiзацыi' да ВМП. Расстраляны.
Кр.: Ленинградский мартиролог.
КАРАСЬ Лявон [1923, в. Дзямiдзенкi Дзiсенскага пав. Вiленскага ваяв., цяпер Глыбоцкi р-н Вiцебскай вобл. - 7.9.1954, Мюнхен, Германiя], журналiст. Сябра СБМ. У 1944 выехаў з Беларусi ў эмiграцыю. Жыў у Германii, Вялiкабрытанii, з 1948 сябра маладзёжнай арганiзацыi 'Дванаццатка' (пра якую Я. Запруднiк напiсаў кнiгу). Вучыўся ў Лювэнскiм ун-це на агранаѓмiчным ф-це (Бельгiя). Пераехаў у Мюнхен, дзе працаваў перакладчыкам на радыё 'Вызваленне' ('Свабода'). Забiты пры невысветленых абставiнах. Паводле адной з версiй, савецкiмi агентамi.
Лiт.: Рагуля Б. Беларускае студэнцтва на чужыне. Лёндан - Нью-Ёрк. 1996; Ёрш С. Приказано уничтожить // День. 2002. 11 апр.
КАРАТАЙ Ксенiя Амвросеўна* [1899, в. Прусы Слуцкага пав. Мiнскай губ., цяпер Салiгорскi р-н Мiнскай вобл. - ?], сялянка-аднаасобнiца, сястра М. Лужанiна. З бел. сялянскай сям'i. Арыштавана 9.3.1936. Асуджана 21.11.1936 тройкай НКВД за 'антысавецкую агiтацыю' i 'здраду радзiме' да 10 гадоў ППК з канфiскацыяй маёмасцi. Верагодна, этапавана ў Карагандзiнскi канцлагер НКВД Казахскай ССР. Далейшы лёс невядомы. Рэабiлiтавана 24.11.1956 ваеннай калегiяй Вярхоўнага суда СССР. Справа К. i некаторых iнш. аднаасобнiкаў i земляробаў ? 10008-с захоўѓваецца ў архiве КДБ Беларусi.
КАРАЧ Нiна Емяльянаўна [1929, Слонiм Навагрудскага ваяв., цяпер Гродзенская вобл. - 2001, Светлагорск], навучэнка. З сям'i рабочага. Мела незакончаную вышэйшую адукацыю. У час 2-й сусветнай вайны заставалася на акупаванай тэрыторыi, з'яўлялася дружыновай слонiмскага СБМ. Вучылася ў слонiмскай прагiмназii. Арыштавана 13.12.1944 у Слонiме падчас масавых арыштаў сяброў СБМ, але неўзабаве вызвалена. Вясной 1946 удзельнiчала ў першым сходзе нелегальнай патрыятычнай арганiзацыi 'Чайка' ў Слонiме, выбрана яе сакратаром. Пазней адыйшла ад падпольнай дзейнасцi, хавалася. Вучылася ў Iнстытуце народнай гаспадаркi iмя Куйбышава. Арыштавана 23.6.1950 у Мiнску па адрасе: вул. Рэвалюцыйная, д. 23, кв. 12. Асуджана 25.11.1950 як 'былы член антысавецкай арганiзацыi 'Саюз беларускай моладзi' да 10 гадоў пазбаўлення волi. Этапавана ў Азёрны канцлагер МДБ Iркуцкай вобл., затым пераведзена ў Дубраўны канцлагер МДБ Мардоўскай АССР. Вызвалена 20.4.1956. Жыла ў Светлагорску. Рэабiлiтавана Вярхоўным судом БССР 9.9.1975. Асабовая справа К. ? 20436-с з фотаздымкам захоўваецца ў архiве КДБ Беларусi.
Лiт.: Антысавецкiя рухi.
КАРАЧУН Фёдар Сцяпанавiч* [1896, в. Дабрынёва, Мардовiя, цяпер Расiя - ?], партыйны работнiк. З бел. сям'i. Падчас арышту сакратар парткама дэпо ст. Куйбышаў. Арыштаваны 6.11.1937 у Куйбышаве. 28.3.1938 асуджаны за 'антысавецкую дзейнасць' да 5 гадоў пазбаўлення волi. 31.8.1939 пастановай НКВД Куйбышаўскай вобл. крымiнальная справа была спынена. Далейшы лёс невядомы.
Кр.: Белая книга.
КАРЖАНЕЎСКI Антон Станiслававiч* [28.10(11.11)1910, мяст. Валынцы, Дрысенскага пав. Вiцебскай губ., цяпер Верхнядзвiнскi р-н Вiцебскай вобл. - 19.4.1991], мастак. З сялянскай сям'i. Атрымаў сярэднюю адукацыю. Ажанiўся, гадаваў дзiця. У час 2-й сусветнай вайны заставаўся на акупаванай тэрыторыi. Арыштаваны 16.12.1944 у Мiнску па адрасе: вул. Крапоткiна, д. 58а, кв. 7. Асуджаны асобай нарадай пры НКВД 28.6.1945 за 'супрацоўнiцтва з нямецкiмi акупантамi' да 3 гадоў папраўча-працоўных лагераў, але 31.8.1945 быў вызвалены. Уступiў у Саюз мастакоў (1945). Рэабiлiтаваны пракуратурай БССР 28.9.1990. Асабовая справа К. ? 31574-с захоўваецца ў архiве КДБ Беларусi.
Лiт.: Беларускi саюз мастакоў. Энцыклапедычны даведнiк. Мн., 1998. С.296.
КАРЖАНЕЎСКI Станiслаў Сiгiзмундавiч [1901, Орша - 10.11.1937, Орша, НКВД], юрыст. З сялянскай сям'i. У 1917-1924 служыў у Чырвонай армii. Атрымаў вышэйшую або незакончаную вышэйшую адукацыю. Працаваў юрысконсультам Аршанскага швейнага прамысловага саюза. Быў жанаты, гадаваў шасцярых дзяцей. Арыштаваны 23.8.1937 у Оршы па адрасе: вул. Першамайская, д. 58. Асуджаны 26.10.1937 як 'агент польскiх разведвальных органаў' да ВМП. Расстраляны. Рэабiлiтаваны пракуратурай БВА 16.10.1989. Асабовая справа К. захоўваецца ў архiве УКДБ Вiцебскай вобл.
КАРЖАНЕЎСКI Сцяпан Кузьмiч* [1898, в. Замошша Слуцкага пав. Мiнскай губ., цяпер Слуцкi (?) p-н Мiнскай вобл. - ?], навуковец. З сялянскай сям'i. Атрыѓмаў вышэйшую адукацыю. Падчас арышту дацэнт Горацкай сельскагаспадарчай акадэмii. Арыштаваны 23.10.1933. Асуджаны 'тройкай' НКВД 14.11.1933 як 'член шпiёнска-дыверсiйнай арганiзацыi БНЦ' да 5 гадоў папраўча-працоўных работ. Этапаваны ў Байкала-Амурскi канцлагер НКВД Далёкаўсходняга краю (Свабодны, цяпер Амурская вобл.). Вызвалены 23.11.1936. Далейшы лёс невядомы. Рэабiлiтаваны судовай калегiяй Вярхоўнага суда БССР 7.5.1956. Асабовая справа К. ? 5937-с захоўваецца ў архiве КДБ Беларусi.
Кр. геагр.: Назвы населеных пунктаў.
КАРКАЗОВIЧ Уладзiмiр Валер'янавiч* [1877, Магiлёў - 3.8.1938, Масква, НКВД], вайсковец, педагог. З бел. дваранскай сям'i. Атрымаў вышэйшую адукацыю. Служыў у царскай армii ў чыне капiтана. Падчас арышту педагог АТК завода ? 39. Арыштаваны 12.3.1938 у Адзiнцове па адрасе: вул. Таварышчаўская, д. 14. Асуджаны 'тройкай' НКВД Маскоўскай вобл. 16.7.1938 за 'ўдзел у контррэвалюцыйнай групе афiцэраў, шпiянаж на карысць Японii i антысавецкую агiтацыю' да ВМП. Расстраляны. Рэабiлiтаваны ваеннай калегiяй Вярхоўнага суда СССР 9.9.1957. Асабовая справа К. захоўваецца ў ДА РФ.
Кр.: Бутовский Полигон.
КАРКАШЫНАЎ Фёдар Федасеевiч* [1891, в. Вялiкая Беразiна Смаленскай губ., цяпер Руднянскi р-н Смаленскай вобл. - 14.10.1938, Смаленск, НКВД], службовец. З бел. сям'i. Падчас арышту начальнiк сектара (аддзела) Смаленскага спiртатрэста. Арыштаваны 7.4.1938. Асуджаны 'тройкай' НКВД 8.10.1938 за 'контррэвалюцыйную шкоднiцкую дзейнасць' да ВМП. Расстраляны.
КАРМАНСКI Iосiф Андрэевiч* [1893, в. Канстанцiнава Свянцянскага пав. Вiленскай губ., цяпер Мядзельскi р-н Мiнскай вобл. - 10.11.1937, Ленiнград, НКВД], службовец. У 1919 уступiў у ВКП(б). У 1930-я г. нам. кiраўнiка трэста 'Лендзяржторф', дырэктар Усесаюзнага iнстытута механiзацыi торфаздабычы. Арыштаваны 21.10.1937 у Ленiнградзе па адрасе: вул. Слуцкага, д. 5, кв. 11. Выключаны з ВКП(б). Асуджаны камiсiяй НКВД i пракуратуры СССР 3.11.1937 за 'здраду радзiме' i 'контррэвалюцыйную шкоднiцкую дзейнасць' да ВМП. Расстраляны.
Кр.: Ленинградский мартиролог.
Кр. геагр.: Назвы населеных пунктаў.
КАРМIН Мiхаiл Сямёнавiч* [27.7.1898, Хацiн, цяпер Чарнавiцкая вобл., Украiна - ?], педагог. З сям'i службоўца. У 1919 уступiў у ВКП(б). Атрымаў вышэйшую адукацыю. У 1930-я г. загадчык кафедры ўсеагульнай гiсторыi 'ВКСХШБ' (?). Быў жанаты, гадаваў чацвярых дзяцей. Арыштаваны 29.10.1935 у Мiнску па адрасе: вул. Савецкая, д. 148/19, кв. 72. Выключаны з ВКП(б). Асуджаны асобай нарадай пры НКВД 31.3.1936 за 'антысавецкую агiтацыю i сувязь з трацкiсцкай групай' да 3 гадоў папраўча-працоўных лагераў. Далейшы лёс невядомы. Рэабiлiтаваны ваеннай калегiяй Вярхоўнага суда БССР 22.2.1957. Асабовая справа К. захоўваецца ў архiве КДБ Беларусi.
КАРНIЦКI Iван Сямёнавiч* [1897, в. Танава, цяперашняе месцазнаходжанне не выяўлена - 4.1.1938, Масква, 'Камунарка', НКВД], службовец. З бел. сям'i. Уступiў у ВКП(б). Падчас арышту нам. загадчыка Кастрычнiцкага райхарчгандлю Масквы. Арыштаваны 15.9.1937 у Маскве па адрасе: Стары Пятроўска-Разумоўскi пр-д, д. 13, кв. 2. Асуджаны ваеннай калегiяй Вярхоўнага суда СССР 4.1.1938 за 'шпiянаж' да ВМП. Расстраляны. Рэабiлiтаваны галоўнай ваеннай пракуратурай СССР 25.2.1991.
Кр.: Расстрельные списки: Москва 1937-1941: 'Коммунарка', Бутово. М., 2000.
КАРНЯЛЮК Аляксандр Аляксандравiч* [1895, Гродзенская губ., - ?], аграном. З бел. сям'i. Атрымаў вышэйшую адукацыю. Працаваў у Барадзiнскiм племсаўгасе Боградскага р-на Хакаскай вобл. Арыштаваны 29.7.1937. Асуджаны судом Краснаярскага краю 26.10.1937 за 'шкоднiцкую дзейнасць' да ВМП. Расстраляны. Дата i месца смерцi невядомы. Рэабiлiтаваны 13.1.1958.
Кр.: Книга памяти жертв политических репрессий Республики Хакасия.
КАРОЛЬ Канстанцiн Паўлавiч* [1891, в. Пад'яленкi (?) Мiнскай губ., цяпер Мiнская (?) вобл. - 7.4.1938, Масква, НКВД], службовец. З бел. сялянскай сям'i. Атрымаў сярэднюю адукацыю. Падчас арышту тэхнолаг Дзяржаўнага эксперыментальнага механiчнага завода. Арыштаваны 21.11.1937 у Маскве па адрасе: вул. Садова-Земляны вал, д. 28, кв. 2. Асуджаны камiсiяй НКВД i пракуратуры СССР 23.3.1938 за 'контррэвалюцыйную агiтацыю i абарону трацкiстаў' да ВМП. Расстраляны. Рэабiлiтаваны ваеннай калегiяй Вярхоўнага суда СССР 4.10.1989.
Кр.: Бутовский Полигон.
Кр. геагр.: Назвы населеных пунктаў.
КАРПЕКА Iван Адамавiч* [1896, мяст. Беразiно Iгуменскага пав. Мiнскай губ., цяпер райцэнтр Мiнскай вобл. - ?, ГУЛАГ], службовец. З бел. сям'i. Падчас арышту дырэктар Iльiнскага лесазавода. Арыштаваны ў Iльiнскiм савеце Алонецкага р-на Карэла-Фiнскай АССР. Асуджаны НКВД СССР 4.1.1938 за 'антысавецкую дзейнасць' да ВМП. Расстраляны на ст. Мядзведжая гара (Сандармох). Дата смерцi невядомая.
Кр.: Iнфармацыя з базы даных Ю. А. Дзмiтрыева.
КАРПЕНКА Аляксей Iванавiч* [3.1.1902, Тыфлiс, цяпер Тбiлiсi, Грузiя. - ?], скульптар. З сям'i рускага службоўца. Атрымаў сярэднюю адукацыю. Працаваў у Саюзе мастакоў. Быў жанаты, гадаваў дзiця. Арыштаваны 31.10.1937 у Мiнску па адрасе: зав. Грушаўскi, д. 8, кв. 5. Асуджаны пазасудовым органам НКВД 3.8.1938 за 'антысавецкую агiтацыю' да 10 гадоў папраўча-працоўных работ з канфiскацыяй маёмасцi. Этапаваны ў адзiн з магаданскiх канцлагераў НКВД. Вызвалены 29.7.1944. Далейшы лёс невядомы. Рэабiлiтаваны прэзiдыумам Вярхоўнага суда БССР 10.10.1956. Асабовая справа К. ? 7214-с з фотаздымкам захоўваецца ў архiве КДБ Беларусi.
КАРПЕНКА Iван Iванавiч* [1905, мяст. Парычы Бабруйскага пав. Мiнскай губ., цяпер Светлагорскi р-н Гомельскай вобл. - 30.10.1937, Мiнск, НКВД], навуковец. З сям'i службоўца. Атрымаў вышэйшую адукацыю. У 1930-я г. загадчык лабараторыi Вiцебскай ветэрынарнай станцыi. Быў жанаты, гадаваў дзiця. Арыштаваны 26.6.1937 у Вiцебску па адрасе: вул. 11-я Свярдлова, д. 19. Асуджаны пазасудовым органам НКВД 29.10.1937 за 'дзейнасць у складзе антысавецкай групы' да ВМП з канфiскацыяй маёмасцi. Расстраляны. Рэабiлiтаваны ваеннай калегiяй Вярхоўнага суда СССР 24.10.1957. Асабовая справа К. захоўваецца ў архiве УКДБ Вiцебскай вобл.
Кр. геагр.: Волости и важнейшие селения; Рапановiч. Слоўнiк геаграфiчных назваў.
КАРПIЦКI Мiхаiл Аляксандравiч* [11.1.1889, мястэчка Асавец Гродзенскай губ., цяпер Польшча - ?], вайсковец, музыкант. З сям'i службоўца. У 1929 устуѓпiў у ВКП(б). У 1930-я г. камандзiр музыкальнага ўзвода Вiцебскага дома культуры авiятараў. Быў жанаты, гадаваў дзiця. Арыштаваны 10.7.1938 у Вiцебску па адрасе: вул. Гогалеўская, д. 27, кв. 7. Асуѓджаны асобай нарадай пры НКВД 5.8.1939 за 'шпiянаж i антысавецкую агiтацыю' да 5 гадоў папраўча-працоўных лагераў. Далейшы лёс невядомы. Рэабiѓлiтаваны трыбуналам БВА 5.4.1961. Асабовая справа К. ? 10912-П з фотаѓздымкам захоўваецца ў архiве УКДБ Вiцебскай вобл.
КАРСЕКА-ШПIЛЕЎСКАЯ Галiна Iосiфаўна* [1915, Мiнск - ?], медык. З сям'i бел. службоўца. Атрымала вышэйшую медыцынскую адукацыю. Выйшла замуж, гадавала дзiця. У час 2-й сусветнай вайны заставалася на акупаванай тэрыторыi, працавала загадчыцай Любанскай бальнiцы. Падчас арышту тэрапеўт 2-й Арзамаскай бальѓнiцы Горкаўскай вобл. Арыштавана 24.10.1944 у Арзамасе па адрасе: Ваенны гарадок, д. 8. Асуджана пазасудовым органам 4.9.1945 як 'член антысавецкай арганiзацыi 'Саюз барацьбы супраць бальшавiзма' да 10 гадоў ППК. Этапавана ў Нарыльскi канцлагер НКВД Краснаярскага краю. Далейшы лёс невядомы. Рэабiлiтавана трыбуналам БВА 17.7.1956. Асабовая справа К. ? 6716-с з фотаздымкам захоўваецца ў архiве КДБ Беларусi.
КАРЫЦКI Уладзiмiр Iванавiч* [1900, в. Тарасава Мiнскага пав., цяпер Мiнскi р-н - 14.3.1938, Масква, 'Камунарка', НКВД], вайсковец. З бел. сям'i. Атрымаў вышэйшую адукацыю. Уступiў у ВКП(б). Падчас арышту начальнiк аддзела кiруючых партыйных кадраў Авiяцыi асобага прызначэння, палкавы камiсар. Арыштаваны 5.12.1937 у Маскве па адрасе: Чапаеўскi зав., д. 14, кв. 15. Асуджаны ваеннай калегiяй Вярхоўнага суда СССР 14.3.1938 за 'ўдзел у контррэвалюцыйнай тэрарыстычнай арганiзацыi' да ВМП. Расстраляны. Рэабiлiтаваны 11.6.1957.
Кр.: Расстрельные списки: 'Коммунарка'.
Кр. геагр.: Назвы населеных пунктаў.
КАСАРЭНКА Аўксенцiй Максiмавiч* [1898, в. Падбярэззе Вiцебскага пав., цяпер Вiцебскi р-н - ?], архiварыус. З сялянскай сям'i. Падчас арышту працаваў на Вiцебскай люстэркавай фабрыцы. Арыштаваны 19.11.1937. Асуджаны 'тройкай' НКВД 28.11.1937 як 'член контррэвалюцыйнай групы' да 10 гадоў папраўча-працоўных лагераў. Далейшы лёс невядомы. Рэабiлiтаваны Вiцебскiм абл. судом 17.1.1959. Асабовая справа К. ? 7879-П захоўваецца ў архiве УКДБ Вiцебскай вобл.
КАСМАЛЬСКI Пётр Антонавiч* [1900, мяст. Краслаўка Дзвiнскага пав. Вiцебскай губ., цяпер Даўгаўпiлскi р-н, Латвiя - 1938, ?], артыст. З сям'i службоўца. Атрымаў сярэднюю спецыяльную адукацыю. Працаваў у Беларускiм тэатры оперы i балета. Арыштаваны 17.3.1933 у Мiнску па адрасе: вул. К. Маркса, д. 46, кв. 1. Асуджаны 'тройкай' НКВД 11.5.1933 за 'збор i перадачу звестак шпiёнскага характару' да 5 гадоў пазбаўлення волi. Пакаранне адбываў у Тэльманаўскiм раёне (Казахская ССР). Другi раз асуджаны 'тройкай' НКВД 11.2.1938 як 'член контррэвалюцыйнай групiроўкi, якая iснавала ў Тэльманаўскiм раёне' да ВМП. Расстраляны. Рэабiлiтаваны трыбуналам БВА 21.11.1957. Асабовая справа К. ? 11270-с з фотаздымкам захоўваецца ў архiве КДБ Беларусi.